Drejtori i Doganës së Kosovës, Agron Llugaliu gjatë konferencës së mbajtur sot lidhur me mbarëvajtjen e punës në këtë institucion gjatë vitit 2021 tha se ka qenë një vit i brishtë, raporton InLajmi.
“Ka qenë një vit i brishtë për nga sfidat që kemi paraparë edhe për vitin paraprak. Por, ka pasur edhe lehtësi, një prej tyre ka qenë përkrahja e pa rezervë e Qeverisë së Kosovës në kërkesat tona për përmirësim të resurseve në përgjithësi. Një prej sfidave ka qenë rritja e vëllimit nga tregtia e jashtme mbi 20 %. Si rezultat kemi arritur që të kemi të hyra gjatë vitit 2021 rreth 1 miliard e 371 milionë, ose në përqindje kjo i bije që kemi pasur 30.7% më shumë të hyra”, tha ai
Tutje, Llugaliu njofton se gjatë vitit që e lamë pas ka pasur një strategji që është ofruar, gjegjësisht për ofrimin e punëve të barabarta për të gjithë.
“Gjithashtu i kemi kushtuar rëndësi edhe bashkëpunimit me komunitetin e bizneseve dhe qytetarëve. Si rezultat i kësaj kemi arritur 1 miliardë e 371 milionë euro, të hyra. Ajo që e kemi vërejtur edhe pse kemi pas rritje ka qenë se ka pasur shumë më shumë procedura për shkak të rritjes së transaksioneve”,tha Llugaliu.
E krejt kjo sipas Llugaliut tregon se ka pasur një gatishmëri më të madhe të paguhen taksat .
“Kjo vjen për shkak të trajtimit të komunitetit të biznesit”,shtoi ai.
Po ashtu ai e ritheksoi se eksporti ka treguar një rritje të konsiderueshme e të pashembullt në vitet paraprake./InLajmi/
