Profesori universitar Blerim Latifi thotë se “20 vjet zi e terr” është narracion i VV-së. Sipas tij, e gjithë kjo periudhë nuk duhet parë si homogjene.
“Faktikisht ky tregimi për 20 vjeçarin, për këtë periudhën, origjinën e saj e ka në narracionin politik të Vetëvendosjes. VV ka arrit me imponu këtë version këtë periodizim të kësaj periudhe që po e quajmë 20 vjeçare edhe me imponu një version mbi atë se çarë ka ndodhur në këtë 20 vjeçar”, tha Latifi.
Sipas tij kjo periudhë nuk është homogjene.
“Për mendimin tim kjo nuk është një periudhë homogjene. Ka premje, ka ndamje, ka kthesa e zhvillime të ndryshme”, shtoi ai, në emisionin Pressing në T7.
Ai thotë se do të ishte mirë që këtë periudhë ta ndajmë në 2 periudha.
“Realisht do të ishte e duhur që këtë periudhë 20 vjeçare ta ndajmë në 2 periudha të mëdha. Periudha para pavarësisë, dhe mund të flasim për një periudhë të dytë dhe t’i ikim asaj klishesë për të parë këtë peroudhë homogjene”, theksoi Latifi.
