Analisti Shkëlzen Gashi ka thënë se Kosova është i vetmi vend në rajon që nuk ka sigurime shëndetësore.
Gashi duke folur për 2 dekada qeverisje, ai tha se për shkak që Kosova nuk ka sigurim shëndetësor, kosovarët detyrohen të shkojnë edhe në Beograd për shërim.
“Në shumicën e fushave jemi më së keqi në rajon. Jemi I vetmi vend që nuk kemi sigurime shëndetësore. Mali i Zi, Serbi e Shqipëria e Maqedonia i kanë sigurimet e këqija, por i kanë. Na nuk kemi hiq sigurim’’, tha Gashi në emisionin ‘Pressing’ në T7.
Tutje ai tha se kosovarët pas një lufte të tmerrshme detyrohen që edhe në Beograd të shkojnë për trajtime mjekësore.
‘’Kosovarët edhe pas një lufte të tmerrshme, detyrohen me shku jo vetëm në Shkup e Podgoricë, por edhe në Beograd, në kryeqytetin e shtetit që në vitin 1998-99 i ka kry gjithë ato krime kundër shqiptarëve në Kosovë”, tha Gashi.
