Me urdhër të Prokurorisë Themelore në Ferizaj dhe në bashkëpunim me Policinë e Kosovës sot nga orët e ehrshme të mëngjesit është duke vazhduar aksioni i filluar me datë 21 dhjetor 2021 për rastin “Brezovica”, përcjell InLajmi.
Gjatë këtij aksioni janë bastisur 10 lokacione në qytete të ndryshme, ndër to edhe zyrat e Ministrisë së Mjedisit, Planifikimit Hapësinor dhe Infrastrukturës.
Këtë e ka konfirmuar Prokurorisë Themelore në Ferizaj përmes një njoftimi për medie.
“Nga ky aksion janë arrestuar 7 persona, 2 prej tyre janë zyrtarë të Ministrisë së Mjedisit, Planifikimit Hapësinor dhe Infrastrukturës të cilët dyshohen për keqpërdorim të detyrës zyrtare, marrje ryshfeti, si dhe 5 qytetarë të dyshuar për dhënie të ryshfetit”,ka njoftuar Prokuroria Themelore në Ferizaj.
Njoftimi i plotë i Prokurorisë Themelore në Ferizaj:
Me urdhër të Prokurorisë Themelore në Ferizaj dhe në bashkëpunim me Policinë e Kosovës është duke vazhduar aksioni i filluar me datë 21 dhjetor 2021 për rastin “Brezovica”, ku janë duke u bastisur 10 lokacione në qytete të ndryshme, ndër to edhe zyret e Ministrisë së Mjedisit, Planifikimit Hapësinor dhe Infrastrukturës.
Deri me tani janë arrestuar 7 persona, 2prej tyre janë zyrtarë të Ministrisë së Mjedisit, Planifikimit Hapësinor dhe Infrastrukturës të cilët dyshohen për keqpërdorim të detyrës zyrtare – marrje ryshfeti, si dhe pesë (5) qytetarë të dyshuar për dhënie të ryshfetit.
Prokuroria Themelore në Ferizaj do t’iu mbaj të informuar me kohë për të gjitha zhvillimet e tjera rreth këtij aksioni./InLajmi/
