Në Prishtinë, Ferizaj dhe Shtërpcë sot duke filluar nga orët e hershme të mëngjesit është duke u zhvilluar një aksion nga Policia e Kosovës, shkruan InLajmi.
E ky aksion është vazhdimësi i aksionit që ka ndodhur me 21 dhjetor të vitit të kaluar në po këto vende.
Këtë e ka konfirmuar për Gazetën InLajmi, kryeprokurori i Prokurorisë Themelore në Ferizaj, Shukri Jashari.
“Po është duke vazhduar një aksion i bastisjeve në Prishtinë, Ferizaj dhe Shtërpcë dhe në Ministrinë e Mjedisit dhe Planifikimit Hapësinor. Këto bastisje janë vazhdim i aksionit për ndërtimet në Brezovicë. Pra, është vazhdim i aksionit të 21 dhjetorit dhe po vazhdon ende. Për momentin nuk mund të japim detaje më shumë”,ka bërë me dije Jashari.
Ndryshe, në aksionin e 21 dhjetorit të vitit të kaluar u arrestuan 10 zyrtarë. Në mesin e të arrestuarve ishte edhe ish-kryetari i Shtërpcës, Bratisllav Nikoliq./InLajmi/
