Lëvizja Vetëvendosje është duke zhvilluar bisedimet me Partinë Demokratike të Kosovës për të arritur një marrëveshje për bashkëqeverisje në Gjilan.
Kështu Vetëvendosje i ka ofruar Partisë Demokratike 3 drejtori.
Kështu tha ish-kandidatja e PDK-së për kryetare të Gjilanit Leonora Morina Bunjaku.
Ajo tha se fillimisht PDK i ka kërkuar 5 drejtori dhe njërin nga postet e nënkryetarit ose kryesuesit të Kuvendit Komunal.
Tani sipas saj kërkesa e Partisë Demokratike është 4 drejtori dhe kryesuesi.
“Ata na kanë ofruar 3 drejtori. Ne fillimisht kemi kërkuar 5 drejtori edhe njërin nga postet e nënkryetarit ose kryesuesit. Në ndërkohë ne kemi lëvizur nga pesë në 4 drejtori dhe postin e kryesuesit”.Tani jemi në pritje të finalizimit të marrëveshjes për bashkëqeverisje”.
Sot nuk u arrit të zgjedhet kryesuesi i Kuvendit Komunal të Gjilanit pasi nuk u arrit ujdi mes Vetëvendosjes me 10 asamblistë dhe partive opozitare, shkruan Klankosova.tv.
Seanca e radhës është caktuar më datë 7 janar.
