Ish zonja e parë e ShBA-ve, Melania Trump njoftoi se po zhvillon një ankand të kapelës së bardhë që kishte veshur gjatë vizitës së familjes së parë franceze, Macrons, në Shtëpinë e Bardhë në vitin 2018.
Disa nga të ardhurat do të shkojnë drejt një nisme që është pjesë e programit ‘Be Best’ të ish-zonjës së parë, por nuk është e qartë se sa do të dhurohet.
Pjesa qendrore e ankandit është, kapela e bardhë me porosi, të cilën Trump e ka nënshkruar, u krijua për të nga stilisti i saj personal, Hervé Pierre, shkruan CNN.
Kjo kapele u bë për t’u përshtatur me kostumin e bardhë prej 2.105 dollarësh të koleksionit Michael Kors që Trump kishte veshur për ceremonitë e ditës në Shtëpinë e Bardhë ku mori pjesë Emmanuel Macron dhe gruaja e tij Brigitte Macron, transmeton arbresh.info.
Vizita e Presidentit francez dhe gruas së tij ishte vizita e parë zyrtare shtetërore e administratës Trump nga një lider i huaj, dhe ajo erdhi në prill 2018, disa javë pas titujve skandaloz për lidhjet e supozuara jashtëmartesore të ish-presidentit.
