Fermat diellore mund të bëhen strehë për bletët dhe pjalmuesit e tjerë nëse do të bëheshin disa ndryshime të thjeshta, sugjeron një studim i ri.
Fushat me panele diellore mbase nuk duken si vendi më i përshtatshëm për rritjen e bletëve, por nëse këto fusha menaxhohen si livadhe, mund të mbajnë 4 herë më shumë bletë se livadhet e zakonshme.
Pjalmuesit janë në rënie drastike në të gjithë Evropën, numri i tyre ka rënë me 17% që nga fillimi i shekullit të njëzetë.
Studiuesja Hollie Blaydes tha se fushat me panele diellore ku mbillen dhe lulëzojnë lehtësisht lule të egra, mund të përdoren si mjet për të ruajtur dhe mbështetur popullatat e pjalmuesve.
Duke simuluar modele të ndryshme të kërkimit të ushqimit të grerëzave, studiuesit zbuluan se parqet diellore të pasura me burime mund të rrisin densitetin e bletëve deri në një kilometër jashtë vetë parqeve, shkruan Euronews.al.
Kjo do të sillte shërbime pjalmuese për të korrat në tokën bujqësore përreth, nga të cilat vendasit mund të përfitonin më tej duke mbjellë bimë të varura nga pjalmuesit si borziloku dhe kunguj të njomë.
