Në Kuvendin Komunal të Prishtinës asamblistët kanë votuar për raundin e 3 për zgjedhjen e kryesuesit të Kuvendit, raporton InLajmi.
I propozuari nga LDK-ja, Fehmi Kupina në raundin e parë e as në të 2 nuk mori votat e duhura për t’u zgjedhur kryesues i Kuvendit Komunal të Prishtinës.
Por në raundin e 3 ai i ka marrë votat e duhura dhe është zgjedhur kryesues i Kuvendit Komunal të Prishtinës.
“Komisioni zgjedhor konstaton se në raundin 3 të kanë marrë pjesë 42 asamblistë, prej tyre kanë votuar 25, pra 25 të vlefshme, 0 të pavlefshme dhe 17 prej tyre nuk kanë marrë pjesë. Sipas votimit tuaj konstatoj se për kandidatin Fehmi Kupina kanë votuar 25 asamblistë. Komisioni bazuar në rezultatet që kemi, zgjedh Fehmi Kupinën, kryesues të Kuvendit Komunal të Prishtinës”,tha Agron Canolli, kryesues i këtij komisioni./InLajmi/
