Pensionistët bullgarë e kanë nisur vitin 2022 me pensione më të larta dhe mbështetje financiare për Covid-19, transmeton InLajmi.
Muaji i fundit i 2021 ishte një muaj i mirë për 2 milionë pensionistë në Bullgari.
Në Krishtlindje, pensionet e tyre u rritën.
Përpara ndryshimit, për llogaritjen e pensionit aplikohej një përqindje prej 1.2 për çdo vit shërbimi, por ajo u rrit në 1.35% në vit, kështu që rritja nga 25 dhjetori arriti mesatarisht 12.5%.
Kjo ka qenë rillogaritja e parë e pensioneve që nga viti 2008 dhe tani minimumi është bërë 185 euro dhe maksimumi 750 euro në muaj.
Në dhjetor u vendos gjithashtu që deri në qershor të këtij viti, pra 2022 të moshuarit të përfitonin çdo muaj nga 30 euro shtesë për pensionin e tyre bazë si mbështetje për situatën me Covid.
Gjithashtu, çdo pensionist që do të vaksinohet me dozë përforcuese do të përfitonte një herë bonus prej 38 eurosh. E gjithë kjo tregon se pensionistët nuk janë harruar dhe se autoritetet janë përpjekur të bëjnë ç’të munden për t’ua lehtësuar sado pak jetën.
Jo rastësisht, ambicia e qeverisë së re është që asnjë pensionist të mos ketë të ardhura të vogla, e cila nga niveli 180 shkon në 207 euro këtë vit.
Pavarësisht lajmit të mirë, shqetësimet e bullgarëve lidhen me ngritjen e çmimeve pothuajse të gjitha mallrave dhe shërbimeve.
Në heshtje ose pas shpalljes publike, energjia, ushqimi, transporti, telekomunikacioni, ilaçet etj janë bërë të gjitha më të shtrenjta.
Nuk është shumë e qartë nëse shoqëria dhe autoritetet do të mbeten bujare ndaj pensionistëve bullgarë këtë vit dhe gjithçka do të varet nga gjendja ekonomike dhe të ardhurat në buxhetin e vendit, shkruan bnr.bg.
Aktualisht, dihet se më një korrik të këtij viti do të ketë një rritje të re të pensioneve me të paktën 6%. /InLajmi/
