Asociacioni i Gazetarëve të Kosovës, ka shkruar një telegram ngushëllimi për vdekjen e gazetarit kosovar, Hysni Syla, i cili ndërroi jetë aksidentalisht, përcjell InLajmi.
Në telegramin e tyre thuhet se lajmin për vdekjen e të ndjerit e pranuan me pikëllim të thellë.
Syla vdiq në moshën 71-vjeçare pasi u godit me veturë mbrëmë në Komunën e Mitrovicës.
Ai për shumë vite bashkëpunoi me disa gazeta, po ashtu drejtoi edhe Shoqatën e Gazetarëve në Mitrovicë si dhe për një kohë punoi si zëdhënës i kësaj komune.
”Asociacioni i Gazetarëve të Kosovës e vlerëson lartë kontributin dhe përkushtimin që Syla pati për gazetarinë. Njëherësh, u shpreh ngushëllime familjarëve, miqve dhe kolegëve të gazetarit, Hysni Syla”, thuhet në njoftimin e tyre.
Postimi i plotë nga Asociacioni i Gazetarëve të Kosovës:
Telegram ngushëllimi për vdekjen e gazetarit Hysni Syla
Me pikëllim të thellë kemi pranuar lajmin për vdekjen e gazetarit, Hysni Syla.
Ai vdiq në moshën 71-vjeçare pasi u godit me veturë mbrëmë në Komunën e Mitrovicës.
Syla për shumë vite bashkëpunoi me gazetat si Bota Sot dhe Kosova Sot, drejtoi Shoqatën e Gazetarëve në Mitrovicë, si dhe për një kohë punoi si zëdhënës i kësaj komune.
Asociacioni i Gazetarëve të Kosovës e vlerëson lartë kontributin dhe përkushtimin që Syla pati për gazetarinë. Njëherësh, u shpreh ngushëllime familjarëve, miqëve dhe kolegëve të gazetarit, Hysni Syla./InLajmi/
