Kuvendi Komunal i Prishtinës, ka mbajtur sot mbledhjen e parë për zgjedhjen e kryesuesit, përcjell InLajmi.
Gjatë kësaj mbledhje Aleanca për Ardhmërinë e Kosovës, gjegjësisht qysh në fillim derisa flitej për të propozuarin për kryesues ka lëshuar sallën.
Rreth kësaj çështje i pari i asamblistëve të AAK-së në Prishtinë, Bahri Gashi, ka thënë së votimin nuk e kanë pa të arsyeshëm, pasi që kryesuesi u nominua nga partia e 2-të.
Gashi gjithashtu ka thënë së pozicioni aktual i tyre është opozitarë dhe si të tillë do ta mbrojnë duke mbajtur përgjegjësinë.
Ndryshe, Fehmi Kupina është zgjedhur sot kryesues i Kuvendit Komunal në raundin e 3-të.
Postimi i plotë i tij:
Pozicioni ynë aktual është opozitar dhe si i tillë do të mbrohet në asamble, duke e mbajtur në përgjegjësi kryetarin për premtimet e tij.
Kryesuesi u nominua nga partia e dytë pa dakordimin e shumicës, andaj nuk e pamë të arsyeshme të jemi pjesë e këtij votimi.
Si AAK që kemi marrë rreth 10 mijë vota në kryeqytet, do të jemi shumë aktiv që t’i përmbushim obligimet tona që burojnë nga vota e drejtpërdrejtë që na është besuar në zgjedhjet e fundit. /InLajmi/
