Nëse keni probleme me flokët atëherë mos harroni me rutinën e duhur të kujdesit për flokët dhe produktet e duhura, do të jeni në rrugën e duhur drejt flokëve më të shëndetshme për një kohë të shkurtër, transmeton InLajmi.
Mënyra se si i lani flokët dhe produktet që përdorni mund të ndihmojnë shumë drejt mbajtjes së flokëve të lëmuar dhe me shkëlqim.
Ndiqni këto këshilla të thjeshta nga dermatologët për të mbajtur flokët e shëndetshme:.
Merrni vitamina
Specialistëve të flokëve u pëlqen të na rikujtojnë, se është e pamundur të rrisim ritmin me të cilën rritet floku.
Rritja mesatare e flokut është 1.2 cm në muaj ose duke marrë suplemente vitaminash, mund të rrisim shpejtësinë e rritjes në 1.9 cm në muaj.
Ekzistojnë shumë shampo me emrin “Për flokët” në etiketë, por nuk janë njësoj.
Në fillim, merrni multivitamina të cilat përfshijnë të gjitha nevojat e trupit tuaj. Më pas mund të shqetësoheni për nevoja më specifike të flokut.
Floku pëlqen në veçanti komplekset e vitaminave B, biotin, acid folik, acid pantotenik, hekur, zink, vaj nga bërthama e lirit kelp( leshterik) dhe silicë. Nëse doni të garantoheni, se floku po merr atë çfarë ka nevojë, përdorni dhe amino acide.
Disa vitamina janë shumë të rëndësishme për shëndetin e flokëve si vitaminat A, B, C, E si dhe hekuri, pasi ndikojnë direkt në rritjen dhe shëndetin e flokëve.
Masazhimi i lëkurës së kokës
Masazhimi i kokës për 5 minuta në ditë, mund të forcojë flokun tuaj, ta trashë dhe ta rrisë flokun më tepër.
Mund të bëni vaj ose trajtim skalpi për t’ju ndihmuar. Mund ta provoni edhe gjatë larjes kur i keni flokët me shampo. Masazhi stimulon furnizimin e kësaj pjese me gjak. Gjaku sjell ushqyesit tek flokët dhe i ndihmon ato të kryejnë funksionin e tyre.
Si dobi ekstra, masazhimi i skalpit është dhe zvoglues stresi. Mos harroni, të përdorni gjithmonë gishtërinjtë, dhe asnjëherë thonjtë. Shpërndajini gishtat larg njëri tjetrit dhe vendosini mirë mbi kokë. Filloni nga baza e qafës dhe ecni sipër deri reshti i flokëve afër ballit. Lëvizni në formë rrethore.
Përdorni krehër kur i keni të lagur ose kur i keni të thatë flokët
Një mënyrë më e butë për të pastruar flokët tuaj është të përdorni krehër kur i keni të lagura (ose një furçë e krijuar për t’u përdorur për flokë të lagura) dhe duke përdorur furçë kur flokët tuaja janë të thatë.
Mos i fshini flokët me peshqir
Kur dilni nga dushi, flokët mos i fshini me peshqir sepse dëmtoni fijen e flokut dhe kutikulat e skalpit. Provoni t’i fshini ato me një copë të hollë pambuku.
Peshqiri i fshin flokët në mënyrë agresive dhe uji nuk ikën nga floku, përkundrazi qëndron në strukturat e tij dhe kjo bën që ne të përdorim më shumë nxehtësi dhe më shumë kohë për të tharë flokët.
Flokëtlajini sa me rrallë
Uji bën që struktura e fijes së flokut të fryhet nga brenda. Kur kjo ndodh pa pushim, struktura e flokut dëmtohet andaj mundoheni që t’i lani sa më rrallë.
Dieta e shëndetshme dhe hidratimi i nevojshëm
Të gjithë e dimë që një dietë e shëndetshme ndikon në paraqitjen e lëkurës sonë dhe nuk është befasi që ndikon dhe te flokët.
Nëse dëshironi që flokët të rriten më shpejtë, na nevojiten më tepër proteina (peshk, vezë, fruta të thata), shkruan health line.
Uji është i rëndësishëm për funksionimin e flokëve dhe organizmit në tërësi. /InLajmi/
