Në Pejë ka ndodhur një mosmarrëveshje në komunikacion, ku edhe janë përfshirë në rrahje 3 persona, ku 2 të dyshuar kanë sulmuar një person përcjell InLajmi.
Njëri nga të dyshuarit ka tentuar ta godasë viktimën me një mjet të mprehtë, por nuk ka arritur ndërsa i dyshuari tjetër e ka goditur në kokë personin dhe ka ikur nga vendi i ngjarjes.
Sipas Policisë njëri prej të dyshuarve është arrestuar dhe është dërguar në mbajtje ndërsa i dyshuari tjetër gjendet në arrati dhe viktima ka pranuar tretman mjekësor.
Njoftimi i plotë i Policisë së Kosovës:
Pejë, 03.01.2022-16:25. Është arrestuar i dyshuari mashkull kosovar pasi që pas një mosmarrëveshje në komunikacion, i njëjti së bashku me një te dyshuar tjetër ende i paidentifikuar kanë sulmuar viktimën mashkull kosovar. Sipas deklarimit te viktimës i dyshuari kishte tentuar që ta sulmoj me një mjet të mprehtë por nuk kishte arritur, ndërsa i dyshuari tjetër e kishte goditur me grusht në kokë dhe ishte ikur nga vendi i ngjarjes. Viktima ka pranuar tretman mjekësor. Me vendim të prokurorit, i dyshuari dërgohet në mbajtje, ndërsa i dyshuari tjetër gjendet në arrati. /InLajmi/
