Sipas sociologut francez, Mishel Mafezoli, ne jetojmë në kohën e fiseve, shkruan InLajmi.
Në një botë ndryshimesh të shpejta, të karakterizuara nga rreziku dhe pasiguria, individëve u duhen mënyra të reja për të gjetur kuptimin e jetës.
Mafezoli thotë se janë krijuar kolektiva ose fise të reja: ato janë dinamike, kalimtare.
Për fiset, një përvojë shoqërore e përbashkët ose një ndjeshmëri estetike kolektive është shumë më e rëndësishme sesa individualiteti.
Përsëritja e ritaleve të përbashkëta është një mënyrë për të formuar solidaritet të fortë grupi.
Lëvizjet e harbuara të viteve 1980 dhe e fillimeve të viteve 1990, që kishin në qendër “entuziazmin e papërmbajtur” karakterizohen jo aq nga identiteti i përbashkët, sesa një ndërgjegje e përbashkët.
Pa qenë të konsoliduara si nënkulturat e bazuara në klasë, si fjala vjen, roku “pank”, këto lëvizje ilustrojnë format fisnore, të përshkruara nga Mafezoli.
Ndryshe nga institucionet tradicionale, këto forma të reja të përkatësisë dhe të bashkësisë arrihen në mënyrë aktive, pasi nuk kanë lindur bashkë me njeriun.
Për Mafezolin, fiset e kohëve moderne janë jetëshkurtra, kalimtare dhe të ndryshueshme, kështu që dikush mund të lëvizë mes grupimeve të ndryshme, duke u ndjerë i përmbushur njëkohësisht mes shumë fiseve.
Sipas Mafezolit, që të jesh anëtar i fiseve duhet të kesh ndërgjegje të përbashkët, për të ruajtur koherencën. /InLajmi/
Burimi: Libri i Sociologjisë
