Përparimet teknologjike e çojnë shoqërinë në drejtime të reja të papërfytyrueshme dhe të paparashikueshme, shkruan InLajmi.
Përparimi shkencor çon në përparime teknologjike dhe në zhvillimin e industrive të shërbimit.
Universitetet dhe qendrat kërkimore me bazë industrinë janë nxitësit themelorë të risive dhe të ndryshimeve shoqërore.
Teknokratët fitojnë pushtet, falë zotësisë teknike dhe njohurive të specializuara.
Shoqëria pas industriale karakterizohet nga përhapja e gjerë e njohurive shkencore dhe teknike.
Gjatë viteve 1960-1970, në gjithë bazën ekonomike të shoqërisë në Evropën perëndimore dhe në SHBA pati ndryshime të thella.
Në veprën “Ardhja e shoqërisë pasindustriale”, gazetari politik dhe sociologu Daniel Bell, zhvilloi konceptin e “pasindustrializimit” që kishte të bënte me këto ndryshime.
Belli mbështet tezën e Marksit se borgjezia ose klasa kapitaliste ishte grupi shoqëror më i fuqishëm në shoqërinë industriale, sepse zotëronte mjetet e prodhimit, fabrikat dhe makineritë, që prodhonin mallrat, të cilat konsumoheshin nga popullsia e gjerë.
Belli thotë se ndryshimi shoqëror po ndodh me një ritëm të paparë, teksa përparimi shkencor dhe zhvillimet në teknologji po depërtojnë në çdo qelizë të shoqërisë njerëzore. /InLajmi/
Burimi: Libri i Sociologjisë
