Një djalë i rrëmbyer 30 vjet më parë, tani është ribashkuar me familjen në Kinë, pasi kishte vizatuar nga kujtesa atë çka kishte mbajtur mend në një hartë të fshatit të lindjes, transmeton InLajmi.
Imazhi i Li Jingwei u përputh nga policia me një fshat të vogël 1000 milje larg nga vendi ku ai ishte rrëmbyer.
Kjo çoi në një ribashkim emocional pas më shumë se 30 vitesh.
Tashmë ky djalë, i cili u rrëmbye nga një bandë e trafikut të fëmijëve në moshën 4-vjeçare është ribashkuar me familjen e tij, pasi ka ndarë një hartë të fshatit të tij të lindjes të nxjerrë nga kujtesa më shumë se 30 vjet më vonë.
Li Jingwei, nga provinca kineze e Yunnan, tha në internet se ai kishte duruar “net të panumërta malli” dhe kishte “mall për shtëpinë që kur ka qenë i vogël”.
Ribashkimi u bë pavarësisht se Li nuk mbante mend as emrin e vendlindjes dhe as rrugën e vendit të tij.
Disa ditë më parë ata folën virtualisht. “Nëna ime qau sapo mora në telefon”, tha Li.
“Pas telefonatës me video, e njoha me një shikim. Unë dhe nëna ime kemi të njëjtat buzë, madje edhe dhëmbët”.
Pothuajse të gjitha ato që ai kujtoi gjatë bisedës së tyre ishin të sakta, “përfshirë shtëpinë në pikturën time, e cila është ende e njëjtë tani, përveç që është e pabanuar“.
Pasi u rrëmbye në vitin 1989, Li u dërgua te një familje në Lankao, 1000 milje nga shtëpia e tij familjare. Pothuajse menjëherë, ai filloi të vizatonte piktura në tokë me një shkop, duke e ndihmuar atë të kujtonte vendlindjen e tij, shkruan Sky News.
Karakteristikat familjare ishin ende në kujtesën e tij, gjithashtu fytyra, sytë dhe balli i tij janë si të babait të tij, tha ai.
Duke diskutuar për rrëmbimin, Li tha se ai ishte marrë nga një burrë me kokë tullac. Ai e njihte atë dhe “nuk kishte mundur të mbrohej kundër tij”. /InLajmi/
