Përbërësit
300-400 g patate
4 lugë gjelle vaj ulliri
3 qepë
6-8 speca
5-7 domate
3 gota e gjysmë uji me oriz
1 tufë majdanoz i grirë
Kripë
Piper i zi
Përgatitja
Ajo që duhet të bëni në fillim, është të ndizni furrën në 180 gradë në mënyrë që të jetë e ngrohtë kur të fusni tavën.
Patatet pasi t’i keni larë dhe qëruar, pritini në disa copa.
Ndërkohë në zjarr keni vendosur një tigan me 2 lugë vaj ulliri.
AgroWeb.org ju këshillon që të skuqni lehtë patatet për 4-5 minuta, ose derisa të marrin një ngjyrë të artë.
Kalojini tek tava e pjekjes dhe vazhdoni me hapat e tjerë të recetës.
Merrni specat dhe domatet dhe pritini kapakët.
Me një lugë hiqni pjesën e brendshme të domateve duke treguar kujdes që të mos i çani.
Këtë tul priteni me thikë në copa sa më të vogla dhe lëreni në një ta të vogël.
Tek tigani shtoni dhe vajin e mbetur dhe aty skuqni qepët e grira me rende.
Kini kujdes që qepa të mos marrë ngjyrë të errët e të digjet.
Hidhni dhe orizin dhe skuqeni lehtë bashke me qepën.
Ju këshillojmë që të shtoni tulin e domateve.
Lëreni në zjarr derisa lëngu i saj të ketë avulluar.
Mos harroni të hidhni majdanozin, kripë dhe piper sipas dëshirës.
Mbushni perimet me ndihmën e një luge dhe vendosini në tavë.
Mos i mbushni plot specat dhe domatet që t’i jepni orizin një mundësi të fryhet.
Nëse ju ka tepruar pak orizi hidheni atë anash perimeve dhe përzjejeni me patatet.
Spërkateni ë gjithë tavën e perimeve me vaj ulliri dhe futeni për ta pjekur për 50-60 minuta.
Sigurohuni që orizi të jetë zbutur dhe patatet të jenë pjekur, shkruan Agro Web
Shërbejeni të ngrohtë duke e shoqëruar me tarator ose sallatë me perime të freskëta.
