Në fshatin Ratkoc të Rahovecit dje është arrestuar një person nga Policia e Kosovës, përcjell InLajmi.
Krejt ngjarja ka ndodhur kur një punëtor i sigurimit të një marketi, pas një mosmarrëveshje lidhur me bllokimin e rrugës kishte kanosur me fjalë dhe me armë viktimën mashkull kosovar. Nga i dyshuari është konfiskuar një pistoletë me një karikator me 4 fishekë.
Kështu ka njoftuar Policia e Kosovës në raportin e saj 24 orësh.
Ndryshe, pas intervistimit, me vendim të prokurorit kujdestar, i dyshuari është dërguar në mbajtje.
Njoftimi i plotë i Policisë së Kosovës:
Kanosje dhe armëmbajtje pa leje
Fshati Ratkoc, Rahovec. Është arrestuar i dyshuari mashkull kosovar, punëtor i sigurimit te një marketi, i cili pas një mosmarrëveshje lidhur me bllokimin e rrugës kishte kanosur me fjalë dhe me armë viktimën mashkull kosovar. Nga i dyshuari është konfiskuar një pistoletë me një karikator me 4 fishekë. Pas intervistimit, me vendim të prokurorit kujdestar, i dyshuari është dërguar në mbajtje./InLajmi/
