Këngëtarja me famë botërore e me origjinë shqiptare, Dua Lipa do të përformojë në “Eventin e fishekzjarreve” në Londër, për ardhjen e Vitit të Ri 2022, transmeton InLajmi.
Shfaqja do të zhvillohet në të gjithë kryeqytetin dhe do të transmetohet në BBC, pasi eventi vjetor në London Eye u ndërpre dhe organizatorët u bëjnë thirrje turmave të qëndrojnë larg dhe ta shikojnë atë në TV.
Shfaqja vjetore e fishekzjarreve zakonisht zhvillohet në Victoria Embankment nga Big Ben por kjo u anulua nga Sadiq Khan në tetor për shkak të shqetësimeve mbi Omicron, shkruan Daily Mail.
Vendimi u kritikua nga Sajid Javid, i cili tha se nuk kishte ‘asnjë arsye’ për anulim.
Këtë vit fishekzjarret do të shpërthejnë në vende të ndryshme dhe do të shfaqen në TV.
Londra do të vazhdojë të shijojë një shfaqje televizive të fishekzjarreve të Vitit të Ri me muzikë nga Elton John dhe Dua Lipa. /InLajmi/
