Ministri i Financave Hekuran Murati në konferencën e fundit për këtë vit ka folur edhe për gastronomët, gjegjësisht kthimit të TVSH-së në 18%, raporton InLajmi.
I pyetur gjatë konferencës lidhur me ngritjen e TVSH-së nga viti 2022, gjegjësisht mosmbajtjen e premtimit sipas gastronomëve, Murati ka dhënë këtë përgjigje.
“Lidhur me TVSH po kemi pasur takim por nuk kemi premtuar asnjëherë, në fakt është e kundërta. Zbritja e TVSH-së nuk do të rezultonte me zbritjen e çmimeve. Përkundrazi ajo çka ka ndodhë është rritur norma e fitimit për bizneset. Nuk kemi përplasje me askënd. Ne duhet t’ju ndihmojmë gjitha bizneseve”, ka bërë me dije, Murati.
Kryetari i Gastronomëve të Kosovës, Petrit Kllokoqi, ka thënë dje se ministri Murati po i hakmerret personalisht, duke theksuar se inspeksioni i ka shkuar në lokalin e tij, ndërsa lidhur me këtë ka folur ministri Murati.
“Inspektime kemi pasur çdoherë, për të vëzhguar punën, a lëshon kuponë fiskalë. Madje bëj apel tek të gjithë qytetarët që nëse hasin në raste kur bizneset nuk u lëshojnë kuponë fiskalë atëherë duhet patjetër të lajmërojnë këtë raste”, tha Murati./InLajmi/
