Kryetari i Partisë Demokratike të Kosovës, Memli Krasniqi, nëpërmjet një videoadresimi ka uruar Vitin e Ri 2022 për të gjithë qytetarët, përcjell InLajmi.
Krasniqi ka thënë se të gjtihë sakrifikuan dhe dhanë gjithçka nga vetja pa e kursyer veten për vendin tone.
“Secili prej tyre ka pasur nevojë për më shumë mbështetje. Por, ata nuk u ndalën. Pëkundrazi. Sakrifikuan dhe dhanë gjithçka nga vetja, pa kursim. Falenderim për vajzat dhe djemtë tanë të mrekullueshëm, që me talentin, punën dhe suksesin e tyre, si sportistë dhe artistë, lartësuan flamurin e Kosovës, nderuan shtetin, i dhanë shkëlqim të artë vendit, dhe e bënë krenarë gjithë kombin. Të gjithë, pa përjashtim, tregojnë për forcën që kemi për të qëndruar, për të punuar, e për të ecur përpara.”, tha ai.
I pari I PDK-së është shprehur krenar për të arriturat e këtyre 2 dekadave.
“Ne duhet të jemi krenarë për të arriturat e jashtëzakonshme të këtyre 2 dekadave, duke qenë mirënjohës e jo mohues, kur së bashku kemi shkruar historinë e krijimit, ndërtimit dhe zhvillimit të shtetit tonë.”, theksoi Krasniqi.
Ai ka uruar vitin e ri të gjithëve, duke theksuar urim të veçantë për Hashim Thaçin e Kadri Veselin.
“Gëzuar të gjithëve ky vit i ri, me dëshirat më të mira për ju dhe familjet tuaja. Dhe veçanërisht, gëzuar 2 burrështetasve – Hashim Thaçit e Kadri Veselit – dhe shokëve të tyre çlirimtarë, që ndonëse padrejtësisht e presin të mbyllur ndërrimin e motmoteve, janë krenarë që populli i Kosovës feston i lirë.”, përfundon kryetari i PDK-së./InLajmi/
