Vrimat e zeza janë vende ku forca e rëndesës është kaq e forte sa që thith brenda çdo gjë, përfshirë edhe dritën, shkruan InLajmi.
Ato formohen kur një yll apo një pjesë e një galaktike bëhen kaq të dendur saqë shemben nën forcën e tyre të rëndesës, duke u tkurrur në një pikë të vogël në pafundësi, që quhet njëjësi.
Forca e rëndesës përreth njësisë është aq e egër, saqë thith brenda dritën, hapësirën, madje edhe kohën.
Supernova e vjetër
Disa vrima të zeza formohen kur një yll i vjetër gjigant shembet në një supernovë, astronomët në fakt nuk mund t’i shohin vrimat e zeza, por ndonjëherë mund ta zbulojnë praninë e tyre nga ndikimi tek objektet e tjera.
Yjet shpesh formojnë çifte apo yje të dyfishtë, nëse njëri yll është vrimë e zezë, astronomët mund të jenë në gjendje të shohin ndikim e forces së tij të rëndesës, mbi të vënë re rreze X që shpërthejnë nga materia e shkëputur nga ylli shoqërues, për shkak të fuqisë së vrimës së zezë.
Supermasiv
Në qendër të Rrugës së Qumështit, në një rajon te quajtur Sagitarius A*, 20 milionë yje janë ngjeshur në hapësirë vetëm 3 vite dritë të gjerë dhe vërtiten me shpejtësi të pabesueshme.
Llogaritjet tregojnë se ata duhet të jenë të mbërthyer nga forca rëndesës së një objekti 2 ose 3 milionë herë më i rëndë se Dielli, por vetëm 2 herë më i madh se ai.
Kjo duhet të jetë ajo çka astronomët e quajnë “Vrimë e zezë super-masive”. Mendohet se në zemër të çdo galaktike në formë spirale ka një të tillë.
Tunele në kohë
Disa shkencëtarë mendojnë se vrimat e zeza mund të kenë lidhje me vrimat e bardha, vrimat e bardha nëse ekzistojnë do të ishin e kundërta e vrimave të zeza, vende ku materia dhe rrezatimi rrjedh jashtë në hapësirë si një shatërvan.
Një numër i vogël shkencëtarësh mendojnë se vrimat e zeza dhe vrimat e bardha, mund të jenë të lidhura me anë të një tuneli në hapësirë dhe kohë, që quhet vrimë depërtuese.
Nëse gjëra të tilla si vrimat depërtuese ekzistojnë, atëherë mund të jetë e mundur të kalohet nëpër to përtë udhëtuar në largësi të mëdha në hapësirë menjëherë, madje edhe të udhëtoni në kohë në të ardhmen ose të shkuarën. /InLajmi/
Burimi: DiscoveryChannel
