Është vetëm një provë, pasi gëzimi për Vitin e Ri varet nga njerëzit. Letërzat shumëngjyrëshe e kanë kaluar testin për të mbuluar gjithçka dhe për të ofruar një ndjesi ëndrre dhe drite.
Gjithçka është gati për vigjiljen e Vitit të Ri në Times Square të Nju Jorkut, ku letërzat që do të hidhen janë një ton e gjysmë.
Aty ku çdo vit mblidhen rreth 60 mijë persona, këtë herë, për shkak të pandemisë dhe variantit Omicron kapacitetet do të jenë të reduktuara për 15 mijë, për të krijuar distancë mes pjesëmarrësve që do të mbajnë maska dhe kodin e vaksinimit.
Këtu, në fund të vitit do të celebrohet rënia e topit të kristaltë, me peshë 4 tonë dhe 3 metra i gjerë, i cili natën e 31 dhjetorit do të jetë i mbushur me dritë dhe ngjyra.
Mijëra trekëndësha të gdhendur në kristalin e famshëm irlandez Waterford do të përhapin shkëlqim tek sytë e të gjithë botës.
“Çdo vit ne zëvendësojmë 192 trekëndësha me një dizajn të ri. Këtë vit dizajni quhet “Dhuntia e Mençurisë”. Ai përfaqësohet nga petalet e dijes do të dalin dhe do të lëvizin përpara. Është një dizajn i bukur që do të përcjellë mesazhin e imagjinatës, harmonisë, vullnetit të mirë dhe shumë aspekte të tjera që përbëjnë shpresën dhe ëndrrën në këtë sferë kristali”, tha Jeffrey Straus, president i ‘Countdown Entertainment’.
Shumë njerëz do ta shohin spektaklin live ose në televizion, në një kohë kur qyteti ka regjistruar një rekord të ri rastesh me COVID.
“Ne jemi shumë të kënaqur që bashkëpunuam me kryebashkiakun De Blasio dhe agjencitë e qytetit për të pritur ndërrimin e viteve në Times Square. Do të jetë një event ku do të marrin pjesë persona të vaksinuar dhe të pajisur me maska. Gjithashtu, skena është projektuar që të minimizohen kontaktet”, u shpreh Tom Harris, president i “Times Square Alliance”, shkruan Euronews.
Me pak fjalë, në Times Square të Nju Jorkut gjithçka është gati për të shënuar ardhjen e 2022-tës.
