Diego Simeone dhe Antoine Griezmann janë ndër 5 rastet e reja pozitive të koronavirusit në Atletico Madrid, transmeton InLajmi.
Mesfushorët Koke dhe Hector Herrera dhe ylli i Portugalisë Joao Felix, gjithashtu rezultuan pozitivë me covid në raundin e fundit të testimit të klubit.
Kampionët spanjollë thanë se të 5 janë asimptomatikë dhe janë të izoluar në shtëpi.
Gjithashtu infeksionet me Covid-19 janë regjistruar në disa klube të La Liga ditëve të fundit, me Barcelonën, e cila ka pasur 10 raste pozitive vetëm këtë javë, shkruan Stadium astro.
Edhe Real Madrid ka konfirmuar se Thibaut Courtois, Eduardo Camavinga, Federico Valverde dhe Vinicius Junior kishin rezultuar pozitivë për virusin, ndërsa Sevilla regjistroi 5 raste pozitive gjatë pushimit të shkurtër në Spanjë.
Valencia do të përballet me Espanyol të premten përpara se shumica e skuadrave të kthehen në aksion të dielën, ndërsa Atletico do të përballet me fqinjët e lartë Rayo Vallecano në Wanda Metropolitano. /InLajmi/
