Një grua shtatzënë në muajin e 8-të ka mbetur e bllokuar për rreth 40 minuta në ashensor të një objekti banesor në Prishtinë, siç raportohet, për shkak të ndërprerjes së energjisë elektrike.
Bllokimin e 40-vjeçares në ashensor e bënë të ditur edhe nga Qendra e Zjarrfikësve në Prishtinë.
”Ne informatën e kemi pranuar prej policisë, në rrugën ‘Ahmet Korenica’ për një ashensor në orën 19:45. Në moment që e kemi marrë lajmin, kemi shkuar, afërsisht kah ora 20:01, e kemi kryer dhe kemi vazhduar, kemi pasur në ndërkohë edhe 3, 4 ashensorë të tjerë. Po, një grua shtatzënë ka qenë”, ka thënë shefi i ndërrimit të qendrës së zjarrfikësve, përcjell Sinjali.
Thuhet se arsyeja e bllokimit të ashensorit ishte ndërprerja e energjisë elektrike, ani pse KEDS-i ka lajmëruar për reduktime në orën 18:00, rryma është ndërprerë në orën 19:20.
