Ministrja e Ekonomisë, Artane Rizvanolli, ka bërë të ditur se është miratuar Koncept Dokumenti për Burime të Ripërtërishme të Energjisë, përcjell InLajmi.
Ajo ka thënë se zhvillimi i kapaciteteve vendore të Burimeve të Ripërtërishme të Energjisë do të na ndihmojë që në të ardhmen të jemi më të përgatitur në rast se do të kemi kriza të energjisë.
Ndryshe Kosova ditëve të fundit po përballet me një krizë energjetike, e cila po paraqet shumë shqetësime për qytetarët e Kosovës.
Postimi i plotë i saj:
Qeveria e Republikës së Kosovës ka miratuar Koncept Dokumentin për Burime të Ripërtërishme të Energjisë!
Zhvillimi i kapaciteteve vendore të Burimeve të Ripërtërishme të Energjisë do të kontribuojë në diversifikimin e burimeve tona të energjisë dhe do të na ndihmojë që në të ardhmen të jemi më të përgatitur për t’u përballur me kriza të energjisë./InLajmi/
