Kryesuesi i Këshillit Prokurorial të Kosovës, Jetish Maloku, ka thënë se ky institucion ka treguar efikasitet sa ipërket trajtimit të rasteve të korrupsionit dhe krimit të organizuar, raporton InLajmi.
Ai në konferencën vjetore ka bërë të ditur se gjatë vitit 2021 janë ngritur 372 raste për korrupsion, kurse janë zgjidhur 285 raste apo 77% të rasteve.
“Për rastet e korrupsionit kemi pranuar 372 raste kurse janë zgjidhur 285 apo 77%”.
Kurse rastet e krimeve ekonomi kemi pranuar 351 raste kurse janë zgjidhur 341 prej tyre”, ka thënë Maloku.
Ai ka folur edhe për përplasjet me Ministrinë e Drejtësisë, duke i quajtur deklarata të papërgjegjshme nga ana e ministres Haxhiu.
“Është fakt që kemi pasur fërkime me Ministrinë e Drejtësisë, për shkak të një deklarate të zv.ministrit. Kemi menduar që ka qenë një deklaratë e pa përgjegjshme e cila i ka irrituar kolegët.Ne jemi munduar të gjejmë një gjuhë të përbashkët dhe kemi marrë pjesë në shumë grupe punuese që ka të bëjë me reformën ligjore në sistemin e drejtësisë”, tha ai.
Maloku ka folur edhe për procesin e vettingun ku ka thënë se kanë kontribuar në hartimin e koncept-dokumentit të këtij procesi.
“Kemi kontribuar në hartimin e koncept dokumentin për vettingun. Kemi hapur konkursin për Prokurorë. Kemi avancuar 19 prokurorë në departamentin e krimeve të rënda. Gjatë vitit që po lemë pas kemi pranuar 15 kërkesa për hetim disiplinorë të prokurorëve”, ka thënë ai.
Maloku tutje ka thënë se Buxheti i Këshillit Prokurorial i miratuar për vitin 2022, është buxheti më i lartë që ka pasë sistemi prokurorial.
“Deri më tani Këshilli Prokurorial i Kosovës ka realizuar mbi 98% të buxhetit total për të gjitha kategoritë ekonomike dhe programet buxhetore. Buxheti i Këshillit i miratuar për vitin 2022 është 17 milionë e 144 mijë e 178 euro, e që është buxheti më i lartë që ka pasur sistemi prokurorial por as për këtë vit nuk është miratuar plotësisht sipas kërkesave dhe nevojave tona” ./InLajmi/
