Kryetari i Gastronomëve të Kosovës, Petrit Kllokoqi, ka thënë se ministri Murati po i hakmerret personalisht, duke theksuar se inspeksioni kanë shkuar në lokalin e tij, përcjell InLajmi.
Ai ka thënë se është i pastër në biznesin e tij, dhe është i gatshëm të pres këdo në çfarëdo kohe.
‘’Kjo është një hakmarrje direkte ndaj meje personalisht, mirëpo nuk dorëzohem nga asnjë lloj trysnije që më bëhet. Hakmarrja nuk është zgjidhje Ministër!’’, shkruan ai.
Kllokoqi ka reaguar ashpër duke thënë se jam i gatshëm të hy edhe në burg për të drejtat e sektorit të Gastronomisë.
Postimi i plotë i tij:
Ministri po më hakmirret personalisht!
Jemi kundër kthimit të TVSH-së në 18% dhe flas në emër të gjithë Gastronomëve të Kosovës. Jam i gatshëm edhe në burg të hi për të drejtat e sektorit që përfaqësoj. Jemi sektori me më së shumti të punësuar dhe jemi më së shumti të dëmtuar.
Fatkeqësisht Qeveria paska lëshu rrënjë brenda ATK-së. Nga burime të sakta paska urdhër të më pengojnë punën në Bagolinë, kjo si rrjedhojë e një deklarate apo statusi që lëshova dje dhe të cilës i qëndroj mbrapa. Jam i pastër në Biznes dhe ju pres duarhapur, si dje si sot në mëngjes, sot mesditë e neser. Por mos harroni se çdo gjë është transparente, ftoj edhe mediat të jenë prezente në çdo vizitë që i bëhet Bagolinës. Kjo është një hakmarrje direkte ndaj meje personalisht, mirëpo nuk dorëzohem nga asnjë lloj trysnije që më bëhet. Hakmarrja nuk është zgjidhje Ministër!/InLajmi/
