Ministria e Financave të Kosovës ka sqaruar publikun në lidhje me subvencionet e energjisë elektrike për familjet me në nevojë, përcjell InLajmi.
Sipas Ministrisë së Financave subvencioni i energjisë do të bëhet për këto kategori: Familjet me asistencë sociale dhe kategoritë e pension marrësve si, familjet në skemën e ndihmës sociale; familjet e dëshmorëve të UÇK-së; familjet e viktimave civile; familjet e të zhdukurve; invalidët e luftës; personat e verbër dhe personat paraplegjikë dhe tetraplegjikë.
Sipas Ministrisë subvencionimi i energjisë elektrike do të bëhet ipas ligjeve në fuqi dhe do të bëhet për vitin 2021, edhe atë për aq muaj sa shfrytëzuesi ka përfituar nga skema/pensioni përkatës.
Njoftimi i plotë i Ministrisë së Fianncave të Kosovës:
𝐒𝐪𝐚𝐫𝐢𝐦 𝐩𝐞̈𝐫 𝐩𝐮𝐛𝐥𝐢𝐤𝐮𝐧 𝐥𝐢𝐝𝐡𝐮𝐫 𝐦𝐞 𝐬𝐮𝐛𝐯𝐞𝐧𝐜𝐢𝐨𝐧𝐢𝐦𝐢𝐧 𝐞 𝐞𝐧𝐞𝐫𝐠𝐣𝐢𝐬𝐞̈ 𝐞𝐥𝐞𝐤𝐭𝐫𝐢𝐤𝐞 𝐩𝐞̈𝐫 𝐟𝐚𝐦𝐢𝐥𝐣𝐞𝐭 𝐧𝐞̈ 𝐧𝐞𝐯𝐨𝐣𝐞̈
Ministria e Financave, Punës dhe Transfereve njofton qytetarët se bazuar në vendimin e Qeverisë nr. 20/50 të datës 23.12.2021, subvencionimi i energjisë elektrike bëhet për kategoritë si në vijim:
Familjet me asistencë sociale dhe
Kategoritë e pensionmarrësve si vijon:
Familjet në Skemën e Ndihmës Sociale;
Familjet e Dëshmorëve të UÇK-së;
Familjet e Viktimave Civile;
Familjet e të Zhdukurve;
Invalidët e Luftës;
Personat e Verbër;
Personat Paraplegjikë dhe Tetraplegjikë.
Subvencionimi i energjisë elektrike, sipas ligjeve në fuqi, do të bëhet për vitin 2021, edhe atë për aq muaj sa shfrytëzuesi ka përfituar nga skema/pensioni përkatës.
Kategoritë e lartëpërmendura nuk kanë nevojë që të aplikojnë për të përfituar nga ky subvencionim. /InLajmi/
