Deputeti i Kuvendit të Kosovës, Bekim Haxhiu, ka uruar bashkëluftëtarët e tij për nder të ditës së Veteranit, përcjell InLajmi.
Ai ka thënë së është krenar më luftën që kanë bërë Ushtria Çlirimtare e Kosovës(UÇK), e që ata janë krenaria dhe nderi i popullit, derisa dëshmorët janë lavdia e përjetshme kombëtare.
Tutje ai ka thënë së në këtë ditë përkujtohet okupimi i parë serb mbi familjen Jashari dhe rezistencën e UÇK-së.
Ndërsa për hir të kësaj date, Haxhiu ka realizuar homazhe në kompleksin e Jasharajve dhe në Kompleksin Memorial në Prekaz dhe Marinë, së bashku me Bekim Hamëz Jashari, Faton Klinakun, gjeneral Nuredin Lushtakun, Emin Lati.
Postimi i plotë i tij:
Bashkëluftëtarë urime dita juaj, Dita e Veteranit!
Krenar me luftën e ushtarëve të UÇK-së.
Ju jeni nderi dhe krenaria e jonë!
Dëshmorët janë lavdia e përjetshme kombëtare!
Sot, në këtë ditë, kujtojmë përvjetorin e sulmit të parë të okupuesit serb mbi Familjen Jashari, kujtojmë rezistencën dhe betejën e ushtarëve të parë të UÇK-së.
Për të nderuar Ditën e Veteranëve dhe shënuar betejën e datës 30.12.1991, së bashku me Bekim Hamëz Jashari, Faton Klinakun, gjeneral Nuredin Lushtakun, Emin Latin, bashkëluftëtarë dhe qytetarë të shumtë bëmë homazhe tek varri i Komandantit Legjendar Adem Jashari dhe të rënëve tjerë në Kompleksin Memorial në Prekaz dhe Marinë.
Lavdi heronjve, dëshmorëve dhe martirëve të kombit!
Lavdi Ushtrisë Çlirimtare të Kosovës! /InLajmi/
