Ish-kryetari i Skenderajt, Bekim Jashari, ka bërë homazhe gjatë ditës së sotme, për nder të 30 vjetorit të triumfit të familjes Jashari dhe Ditës së Veteranit, përcjell InLajmi.
Homazhet i ka zhvilluar tek kompleksi Jasharaj në Prekaz dhe ai i Dëshmorëve në Marinë. Ai me këtë rast i ka uruar veteranët e Ushtrisë Çlirimtarë të Kosovës(UÇK) dhe ka vlerësuar luftën shenjtë të dëshmorëve për çlirimin e vendit.
Ai kujtoj ku para 30 viteve në orët e hershme të mëngjesit ku e përshkruan një mëngjes të ftohtë më borë, derisa sipas tij po në atë ditë forcat serbe kishin filluar sulmet kundrejt kullave që pas shumë orësh luftim Adem Jashari, Hamëz Jashari, Rifat Jashari zmbrapsën forcat serbe.
Postimi i plotë i tij:
Bashkë me U.d Kryetarin e OVL-UÇK-së, Faton Klinaku, deputetin, Bekim Haxhiu, kryetarin e OVL-UÇK-së në Skenderaj, Emin Lati, asambleistë të listës sonë të pavarur, veteranë të UÇK-së, bashkëpunëtorë e qytetarë, në shënim të 30 vjetorit të triumfit të familjes Jashari dhe Ditës së Veteranit, bëmë homazhe tek Kompleksi Memorial “Adem Jashari” në Prekaz si dhe tek Kompleksi Memorial i Dëshmorëve në Marinë.
Me këtë rast duke iu uruar të gjithë veteranëve të Ushtrisë Çlirimtare të Kosovës ditën e tyre, vlerësova lartë luftën e shenjtë të dëshmorëve e luftëtarëve të Lirisë, kontributin e ish ushtarëve tonë në çlirimin e vendit.
Në këtë ditë të shënuar për vendin kujtojmë e nderojmë luftën tonë shekullore, sakrificën e popullit tonë për Liri, luftën e Komandantit Legjendar Adem Jashari dhe të gjithë ushtarëve të UÇK-së.
30 vite me parë, në ora 05:15, në një mëngjes të ftohtë dhe me borë, forcat serbe kishin filluar sulmet drejtë kullave, brenda të cilave gjindej edhe Komandanti Adem Jashari, babushi Hamëza, mixha Rifat i ardhur nga Gjermania dhe që të gjithë bashkë pas shumë orë luftimesh arritën të zbrapsnin forcat serbe.
Nga kjo datë Komandanti Legjendar Adem Jashari dhe shokët e tij vepruan e punuan pa u ndalur në male e fusha deri në rënien e tyre heroike.
Urime Dita e Veteranit!
Lavdi dëshmorëve e martirëve të Lirisë! /InLajmi/
