Presidenti i SHBA-së, Joe Biden do të vazhdojë bisedimet me presidentin e Rusisë, Vladimir Putin, për herë të 2 këtë muaj, në një përpjekje për të ulur tensionet mbi Ukrainën, transmeton InLajmi.
2 liderët do të diskutojnë për gjendjen e ardhshme të sigurisë midis vendeve dhe situatën në Evropë, tha një zyrtar i Shtëpisë së Bardhë.
Zoti Biden do t’i ofrojë homologut të tij rus një “rrugë diplomatike”, pasi mbetet “shumë i shqetësuar” nga grumbullimi i trupave ruse në kufi.
E gjithë kjo do të jetë për shkak të tensionit në Ukrainë, ku të 2 vendet do to mbajnë diskutime lidhur me këtë çështje.
Rusia, e cila ka ngritur forca në kufirin me Ukrainën, mohon planifikimin për të pushtuar vendin.
Ajo thotë se trupat e saj janë atje për stërvitje dhe se Rusia ka të drejtë të lëvizë lirisht trupat e saj në tokën e saj.
Zyrtarët ukrainas të sigurisë thonë se më shumë se 100.000 trupa ruse janë dërguar pranë kufirit të tyre të përbashkët dhe SHBA-ja e ka kërcënuar Putinin me sanksione “të tilla që ai nuk ka parë ndonjëherë” nëse Ukraina vihet nën sulm.
Zoti Biden pritet t’i thotë zotit Putin se SHBA-ja është e përgatitur të përgjigjet nëse Rusia përparon me “një pushtim të mëtejshëm të Ukrainës”.
Në fillim të këtij muaji, të 2 presidentët mbajtën një samit virtual në të cilin Biden përsëriti mbështetjen e tij për sovranitetin dhe integritetin territorial të Ukrainës, shkruan BBC News.
Ndërsa Ukraina nuk është anëtare e NATO-s, ajo ka lidhje të ngushta me bllokun.
Rusia ka thënë se dëshiron garanci ligjërisht të detyrueshme që NATO nuk do të lëvizë drejt lindjes dhe se armët nuk do të dërgohen në Ukrainë apo në ndonjë vend fqinj. /InLajmi/
