Franca ka shënuar një rekord të infektuarish, duke regjistruar 208 mijë raste në 24 orë.
Megjithëse studimet kanë sugjeruar që varianti Omicron është më pak vdekjeprurës se variantet e mëparshme, por përhapet më lehtë duke rritur në këtë mënyrë numrin e të shtruarve në spitale.
Gjithashtu Britania e Madhe, Italia, Spanja, Portugalia, Greqia, Qiproja dhe Malta regjistruan rekord të infektuarish në 24 orë ndërsa numri mesatar i rasteve ditore të Covid-19 në Shtetet e Bashkuara arriti një rekord 258.312 gjatë 7 ditëve të fundit, sipas një raporti të Reuters.
Franca ka regjistruar 9.326.258 raste dhe 123.188 viktima që nga fillimi i pandemisë, transmeton abcnews.al.
