Qeveria e Kosovës ka miratuar vendimin që të bëhet pagesa për orët shtesë gjatë vitit 2021 për 766 zjarrfikës, raporton InLajmi.
Në mbledhjen e Qeverisë ky vendim është marrë me kërkesë të Ministrisë së Punëve të Brendshme.
Nga ana tjetër ministri i Financave, Hekuran Murati ka thënë se bëhet fjalë për ndarjen e 513.872 euro.
“Ne si Ministri e Financave, Punës dhe Transfereve kemi pranuar kërkesën e MPB-së me arsyetimin për pagesën e orëve shtesë gjatë vitit 2021 për zjarrfikësit. Bëhet fjalë për 513.872 euro. Për zbatimin e këtij vendimi përdoren mjete buxhetore në kategorinë e pagave dhe shtesave të organizatave buxhetore aty ky zjarrfikësit janë në listën e pagave”, ka thënë Murati. /InLajmi/
