Anëtarja e familjes mbretërore, Meghan Markle, sapo është kurorëzuar si “anëtarja më inteligjente e familjes mbretërore britanike”, sipas një studimi të ri të publikuar nga Oxford Royale, transmeton InLajmi.
Kompania e arsimit shikoi prejardhjen akademike të secilit anëtar të familjes, duke përdorur faktorë të matshëm si performanca e shkollës së mesme dhe vendi ku ata ndoqën kolegjin. Ky i fundit u vlerësua duke përdorur renditjen e universiteteve botërore QS, e cila vlerëson kolegjet bazuar në reputacionin e tyre akademik dhe raportin fakultet-student.
Markle u zhvendos në krye të radhës falë diplomës së saj nga Universiteti Northwestern në Evanston, Illinois, i cili është vendosur në vendin e 30 në një listë prej 1.300 institucioneve në renditjen më të fundit botërore të QS. Ajo u diplomua në vitin 2003 me diplomë të dyfishtë në teatër dhe marrëdhënie ndërkombëtare.
“Jeta si mbretëreshë nuk është gjithmonë një punë e lehtë dhe përfshin shumë ballafaqim me shqyrtimin e gjerë dhe jetën në qendër të vëmendjes së publikut, dhe forcat akademike të Meghan Markle e kanë pajisur atë në mënyrë të përkryer për këtë rol”,tha një zëdhënës i Oxford Royale.
Ndërsa Duka dhe Dukesha e Sussex-it mund të kenë dhënë dorëheqjen nga rolet e tyre si anëtarë të familjes mbretërore, ata kanë tërhequr interesin dhe vëmendjen e botës dhe dëshira e Meghan për të përdorur platformën e saj për të rritur ndërgjegjësimin mbi çështjet serioze botërore pasqyron inteligjencën, mendjen analitike dhe pedigre arsimore
Pas Meghan Markle ishte Kate Middleton në vendin e 2 dhe Princi William në vendin e 3.
Duka dhe Dukesha e Kembrixhit ndoqën të 2 Universitetin e St Andrew’s në Skoci, por Kate u rendit më lart se bashkëshorti i saj pasi e tejkaloi atë në provimet e nivelit A.
Mungon dukshëm në listën e Oxford Royale edhe Princi Harry, i cili u përjashtua thjesht sepse nuk u diplomua kurrë nga një universitet. Por duke parë se ai ndoqi disa nga shkollat e pavarura më prestigjioze në MB (përfshirë Kolegjin Eton), është e sigurt të thuhet se ai ia ka dalë mirë në departamentin e arsimit, shkruan Marie Claire.
Më poshtë keni listën e të gjithë anëtarëve të familjes mbretërore, që janë cilësuar si më inteligjentë:
Meghan Markle, Universiteti Northwestern
Kate Middleton, Universiteti i St Andrews
Princi William, Universiteti i St Andrews
Princesha Eugenie, Universiteti i Newcastle
Peter Phillips, Universiteti Exeter
Zara Tindall, Universiteti Exeter
Princesha Anne, Universiteti i Aberdeen
Lady Kitty Spencer, Universiteti i Cape Town, Shkolla Evropiane e Biznesit
Camilla Parker Bowles, Universiteti SOAS i Londrës
Princesha Beatrice, Goldsmiths, Universiteti i Londrës /InLajmi/
