Nga zyra e çështjeve për kategoritë e dala nga lufta, flasin për protezat e veteranëve

Nga Zyra e kryeministrit kanë bërë të ditur se nuk kanë pranuar asnjë kërkesë nga Zyra për Çështje të Kategorive të Dala nga Lufta e UÇK-së, për sa i përket protezave për invalidë e veteranë, përcjell InLajmi.

Ata thanë se kërkesa e tyre e fundit është bërë vitin e kaluar gjatë qeverisjes së kaluar, në krye me Avdullah Hotin, e që është ndarë buxhet dhe shoqata e e invalidëve veteranë është në zbatim e sipër të asaj kërkese.

‘’Synim e zotim i joni është institucionalizimi i këtyre shërbimeve, në mënyrë që të ketë organizim e strukturim të ofrimit të tyre dhe kujdesi për invalidët veteranë të jetë maksimal’’, shkruajnë nga kjo zyrë.

Ndryshe ditë më parë, kreu i AAK-së, Ramush Haradinaj, ka thënë se qeveria nuk po merr përsipër kërkesat e tyre.

Të nderuar qytetarë dhe pjesëtarë të kategorive të dala nga lufta e Ushtrisë Çlirimtare të Kosovës,

Zyra për Çështje të Kategorive të Dala nga Lufta e UÇK-së, ju informon se nuk ka pranuar kërkesë për sa i përket protezave për invalidë veteranë e të cilën nuk e ka trajtuar. Kërkesa e fundit në lidhje me protezat për invalidë veteranë ka ndodhur vitin e kaluar gjatë qeverisjes së kaluar, ku është ndarë buxhet dhe shoqata e invalidëve veteranë është në zbatim e sipër të asaj kërkese.

Zyra për Çështje të Kategorive të Dala nga Lufta e UÇK-së është e hapur për shqyrtim dhe trajtim të çfarëdo kërkese, dhe çështjet e këtilla si ofrimi i protezave për invalidë veteranë do të konsiderohen ashtu siç edhe janë, esenciale. Synim e zotim i joni është institucionalizimi i këtyre shërbimeve, në mënyrë që të ketë organizim e strukturim të ofrimit të tyre dhe kujdesi për invalidët veteranë të jetë maksimal./InLajmi/