Ministria e Shëndetësisë, ka bërë thirrje për vaksinim edhe për gratë shtatzëna po ashtu edhe për nënat që ushqejnë fëmijët me gji, përcjell InLajmi.
Sipas Ministrisë së Shëndetësisë, gratë shtatzëna kanë mundësi t’i përjetojnë simptomat më të rënda të infeksionit nga koronavirusi.
Tutje kjo Ministri ka bërë thirrje për vaksinim sepse sipas tyre vaksinat krijojnë imunitet si te gratë shtatzëna ashtu edhe tek nënat që ushqejnë fëmijët me gji e që për shkak të rritjes së numrit të rasteve me variantin (SARS COV-2), është e rëndësishme mbrojtja e kësaj kategorie.
Si pasojë e infektimit mund të infektohen me sëmundje të rënda e që nuk përjashtohet mundësia për lindje të parakohshme, ndërsa nënat që ushqejnë fëmijët me gji përmes qumështit sigurojnë mbrojtje edhe të foshnjës.
Postimi i plotë i Ministrisë së Shëndetësisë:
Gratë shtatzëna kanë mundësi të përjetojnë simptoma më të rënda të infeksionit nga Covid-19.
Vaksinat krijojnë imunitet si te gratë shtatzëna ashtu edhe tek nënat gji-dhënëse.
Studimet kanë dëshmuar se nënat e vaksinuara kanë antitrupa në qumështin e gjirit, përmes të cilit i sigurojnë mbrojtje edhe foshnjës.
Për shkak të rritjes së numrit të varianteve të virusit (SARS COV-2) dhe rëndësisë së mbrojtjes së grave shtatzëna dhe nënave gji-dhënëse, vaksinimi i tyre ka rëndësi në parandalimin e infektimit, sëmundjes së rëndë, shtrimit në spital dhe lindjes së parakohshme. /InLajmi/
