Ndërtesat moderne mund të na lënë me gojë hapur, të krijojnë iluzione optike, të ngrihen në lartësi marramendëse, shkruan InLajmi.
Pasqyrat gjigante
Pasqyrat gjigante në Odejo të Francës i përthyejnë rrezet e diellit, tek një pasqyrë më e madhe e lakuar.
Pasqyrimet e përqendruara krijojnë një pikë të vetme ku temperatura mund të arrijë deri në 3500°C, që pastaj mund të përdoret për qëllime industriale si për të prodhuar elektricitet dhe shkrirë çelik.
Stadiumi fole zogu
Një lëmsh i jashtëzakonshëm prej çeliku është në fakt Stadiumi Kombëtar më kryeqytetin kinez, Pekin. Ai u ndërtua për lojërat e mrekullueshme olimpike të vitit 2008. Në të ardhmen mund të përdoret si një qendër tregtare.
Shtëpia kub
Ngjan pak a shumë sikur kanë rënë në tokë kuba të stërmëdhenj, si ato të lojërave të fëmijëve.
Këto ndërtesa, ndërtimi i të cilave përfundoi në vitin 1984, janë një minifshat me shtëpi 3-katëshe në Roterdam të Holandës.
Arkitekti holandez Piet Blom i projektoi faqet e tyre të pjerrëta, në kënd 45 gradë me tokën.
Kupolat prej plastike
Këto kupola prej plastike dhe çeliku nuk do të dukeshin të çuditshme në një peisazh fantastiko-shkencor, por në fakt ato ngrihen si flluska nga fushat e gjelbra të Kornuollit në Angli.
Secila kupolë përmban një biomë apo minimjedis të vetin. Këtu lulëzojnë të gjitha llojet e jetës bimore: pylli më i madh ekuatorial i botës brenda muresh, parcela globale dhe lule mesdhetare. /InLajmi/
Burimi: Discovery Channel
