Sot një grup qytetarësh kanë protestuar përpara Qeverisë së Kosovës, për shkak të reduktimeve me energji elektrike që kanë ndodhur kohët e fundit në vend, raporton InLajmi.
Qytetarët protestuan me thirrjet “rryma s’është luks”, “KEDS t’i kthehet Kosovës” e “s’paguajmë për veriun”.
Ndërsa organizatorët e protestës kanë akuzuar kryeministrin e vendit, Albin Kurti, që sipas tyre ai se nuk po i qëndron mbrapa kërkesës për nacionalizimin e KEDS-it, e krejt kjo po bie mbi qytetarët.
“Tash, Kurti jo vetëm që s’po i qëndron mbrapa kërkesës për nacionalizim të KEDS-it, por edhe po e subvencion ato, e krejt këto në kurrizin tonë”, tha Sijarinja, njëra ndër organizatoret e protestës.
Ndërkaq kujtojmë se organizatorët e kësaj proteste kërkesë kishin që të ketë furnizim me energji elektrike 24 orë në 7 ditë të javës, të nacionalizohet KEDS-i dhe të shkarkohet ministrja e Ekonomisë, Artane Rizvanolli. /InLajmi/
