Policia e Kosovës ka bërë të ditur se gjatë ditës së diele në fshtin Kijevë, komuna e Malishevës, ka ndodhur një aksident, përcjell InLajmi.
Zëdhënësi i policisë në rajonin e Gjakovës, Nysret Gjurkaj ka thënë për Gazetën InLajmi, se në aksident ka qenë e përfshirë një veturë dhe një këmbësor. Aksidenti ka ndodhur si pasojë e mos përshtatjes së shpejtësisë në kushtet e rrugës nga ana e shoferit të veturës ku ka goditur këmbësorin.
“Datë 26.12.2021 ne fshatin Kijevë, KK-e Malishevë, ka ndodhë aksident komunikacioni me lëndime trupore. Deri te aksidenti ka ardhur kur i dyshimti, kishte qene duke e drejtuar automjetin, duke qarkulluar ne aksin rrugore Malisheve-Kijevë, duke mos e përshtat shpejtësinë kushteve, rrethanave te rrugës, me te arritur ne hyrje te fshatit Kijevë, vozitësi papritmas me pjesën e parë ballore të krahut të djathtë të automjetit, e godet këmbësorin prapa, i cili ishte duke lëvizur këmbë buzë rruge, nga goditja që pëson me pas këmbësori përplaset për toke”, ka deklaruar Gjurkaj.
Gjurkaj gjithashtu ka bërë të ditur se shoferi i automjetit është ndalur dhe i ka ofruar ndihmë mjekësore, duke e dërguar në QKMF në Malishevë dhe i njëjti për shkak të lëndimeve është dërguar në QKUK në Prishtinë.
“Drejtuesi i automjetit, ndalohet ne vend ngjarje duke ja ofruar ndihmën e parë, të lënduarin në automjetin e tij e dërgon ne drejtim te QKMF-Malishevë, për shkak të lëndimeve këmbësori është dërguar me autoambulancë në QKUK ne Prishtinë, mirëpo është jashtë rrezikut për jetë. Lidhur me rastin është njoftuar Prokurori kujdestarë i Shtetit, dhe me urdhër të tij, i dyshuari është ndaluar ne mbajtje”, ka vazhduar Gjurkaj. /InLajmi/
