Ministri i Mbrojtjes, Armend Mehaj, ka bërë të ditur se në 5 kazermat e Forcave të Armatosura të Kosovës, është organizuar testi i Inteligjencës dhe Njohurive të Përgjithshme, përcjell InLajmi.
Ky test është organizuar menjëherë pas testimit fizik të kandidateve të konkursit për ushtarë të rinj të FSK-së, ku sipas tij të gjithë kandidatët që po garojnë janë nga më të mirët.
Tutje ai shtoi se transparenca, parimi i meritokracisë dhe mundësisë së barabartë, është moto e qeverisjes.
Postimi i plotë i tij:
Në 5 kazermat tona, pas testimit fizik, kemi organizuar testin e Inteligjencës dhe Njohurive të Përgjithshme për kandidatët e konkursit për ushtarë të rinj të FSK-së.
Të gjithë kandidatëve ju uroj suksese dhe ju garantojmë se do të kalojnë vetëm më të mirët nga më të mirët.
Transparenca si dhe parimi i meritokracisë dhe mundësisë së barabartë, është moto e qeverisjes sonë!
Vazhdojmë me punë e suksese të radhës! /InLajmi/
