Policia e Kosovës, ka njoftuar së është gjetur vetura që ishte raportuar e vjedhur një ditë më parë, në Graçanicë, përcjell InLajmi.
Hetuesit policor kanë bërë të ditur së kanë arritur ta gjejnë veturën gjatë ditës së sotme, vetura e llojit BMW është gjetur në qytetin e Skenderajt.
Tutje rastin po hetojnë njësit relevante në kuadër të Drejtorisë Rajonale në Prishtinë, thuhet në njoftim.
Njoftimi i plotë i Policisë së Kosovës:
Vetura e vjedhur në Graqanicë gjendet në Skenderaj
Skenderaj, 27 dhjetor 2021
Hetuesit policor në kuadër të Stacionit Policor në Skenderaj, gjatë ditës së sotme kanë arritur të identifikojnë dhe gjejnë veturën që ishte raportuar e vjedhur një ditë më parë në Stacionin Policor në Graqanicë.
Hetuesit policor mbi bazën e informacioneve dhe veprimeve konkrete të ndërmarra, bazuar në të dhënat për llojin e veturës dhe elementeve tjera që ndërlidheshin me rastin, në orët e mesditës së sotme, në qytetin e Skenderajt kanë lokalizuar lokacionin ku ndodhej vetura e llojit BMW’ me ç’rast gjatë verifikimit të të dhënave të veturës ka rezultuar se vetura në fjalë është vetura e cila një ditë më parë ishte raportuar e vjedhur në zonën e Graqanicës.
Ndërkohë që për veprime të mëtejme hetimore rasti u është proceduar hetuesve në kuadër të Drejtorisë Rajonale në Prishtinë. /InLajmi/
