Në stacionin policor në Graçanicë një person i gjinisë femërore ka raportuar se derisa kishte vizituar varrezat e të afërmve të saj në fshatin Kishnicë ajo ka konstatuar se disa varreza ishin të dëmtuara, përcjell InLajmi.
Këtë e ka bë me dije Policia e Kosovës derisa me të marrë njoftimin kanë dalë në vend të ngjarjes dhe përveç hetuesve të stacionit policor në Graçanicë janë angazhuar edhe hetues të specializuar nga niveli rajonal për ndërmarrjen e masave profesionale hetimore.
Lidhur me rastin është njoftuar edhe prokurori kujdestar i Prokurorisë Themelore – Departamenti i Krimeve të Rënda në Prishtinë, i cili ka urdhëruar që të iniciohet rast në drejtim të veprës penale “Dëmtimi i varreve apo kufomave” neni 413, paragrafi 1.
Tutje Policia e Kosovës ka kërkuar nga qytetarët pa dallim, në rast të posedimit të ndonjë informate lidhur me këtë çështje, ta ndajnë me Policinë e Kosovës në mënyrë që rastet e tilla të zbulohen më shpejt dhe mos të përsëriten asnjëherë në të ardhmen. /InLajmi/
