Gjatë ditës së sotme Instituti Hidrometeorologjik i Kosovës, kanë paralajmëruar së në orët në vazhdim mund të ketë vërshime në komunën e Deçanit dhe të Junikut, pas këtyre paralajmërimeve KRU”Hidrodrini”, ka marrë masa për vërshimet e mundshme, përcjell InLajmi.
KRU”Hidrodrini” ka shprehur gatishmëri gjithashtu ka angazhuar ekipe në terren për masa prevenuese në të 2 komunat, dhe janë koordinuar ngushtë më autoritet komunale respektive.
Tutje KRU”Hidrodrini” i është drejtuar banorëve të këtyre zonave qe të kërkojnë ndihme kurdo qe e ndiejnë të nevojshme, tek njësitë përkatëse.
Njoftimi i plotë i KRU”Hidrodrini”:
Rrriten masat prevenuese në Deçan dhe Junik!
Pas paralajmërimit të IHMK-së, për vërshime të mundshme gjatë ditës së nesërme në komunat Deçan dhe Junik, që mund të ndodhin si pasojë e rreshjeve të shiut, KRU ‘Hidrodrini’ ka ngritur shkallën e gatishmërisë dhe ka angazhuar ekipe në terren për masa prevenuese.
Kryeshefi Ekzekutiv i KRU ‘Hidrodrini’, ing. Agron Tigani, ka nxjerrë vendim të rritjes së shkallës së gatishmërisë dhe vetkontrollit në komunat respekive dhe të njejtin vendim ua ka komunikuar edhe shefave të njësive përkatëse të KRU ‘Hidrodrini’ në Deçan dhe Junik.
Në të dyja komunat, ekipet e terrenit kanë marrë masat e para dhe janë duke u koordinuar në bashkëpunim të ngushtë edhe me autoritetet komunale respektive.
Shkalla prevenuese e gatishmërisë është ngritur edhe në tërë zonën e mbulueshmërisë!
Në secilin rast që konsumatorët e shohin të nevojshme asistencën në ndonjë shërbim apo koordinimin, luten ti drejtohen Njësive përkatëse në komunat e tyre.
Me respekt;
Zyra për Media e KRU ‘Hidrodrini’-Pejë /InLajmi/
