Deputetja nga radhët e PDK-së, Blerta Deliu-Kodra, ka thënë se Kurti e ka të kotë t’i fajsojë qeveritë e kaluara për terrin në pikën e dimrit, përcjell InLajmi.
Ajo tha se Kosova ka një dekadë që nuk ka probleme me furnizimin e energjisë elektrike.
‘’Kryeministër, pazotësia e juaj vetëm sa po e thellon krizën në të gjitha segmentet e shoqërisë. Je Kryeministër që t’iu shërbesh qytetarëve dhe të ofrosh zgjidhje para se të akuzosh të tjerët’’, shkruan ajo.
Postimi i plotë i saj:
Kryeministri paska vazhduar edhe sot që t’i fajësojë të tjerët për të arsyetuar pazotësinë e tij që të ballafaqohet me krizën energjetike. E kotë është përpjekja e tij që t’i fajësojë qeveritë e kaluara për terrin në pikën e dimrit, sepse qytetarët e dijnë që ky problem ka kohë që nuk ekzistonte në vendin tonë.
Kosova ka më shumë se një dekadë që nuk ka probleme me furnizim me energji elektrike. Ka më shumë se një dekadë që premtimi për furnizim të rregullt me energji elektrike nuk ekziston në fjalorin e politikanëve.
Kryeministër, pazotësia e juaj vetëm sa po e thellon krizën në të gjitha segmentet e shoqërisë. Je Kryeministër që t’iu shërbesh qytetarëve dhe të ofrosh zgjidhje para se të akuzosh të tjerët./InLajmi/
