Kreu i AKR-së, Behgjet Pacolli, i ka bërë thirrje kryetarit të Prishtinës, që të ndërtohen ndërtesa për qeverinë, ambasadat, agjencitë dhe gjithçka që lidhet me administratën e drejtimit të shtetit të Kosovës, përcjell InLajmi.
Pacolli ka thënë se ka besim në vizionin e Përparim Ramës.
‘’Me ligjin në fuqi të Prishtinës,me kreativitet, guxim dhe dëshirë, ju mund ta bëni këtë! Ndërtoni qytetin e ri administrativ, hiqni administratën nga qyteti dhe çlirojeni nga mbytja e mëtejshme (do të ulni trafikun në Prishtinë me më shumë se 60%)!’’, shkruan ai.
Postimi i plotë i tij:
Kaloj çdo ditë në zonat e Hajvalisë ku kam (dhe jam) duke insistuar që (me vetëfinancim) të ndërtohen ndërtesa (mbi 900,000m2) për qeverinë, ambasadat, agjencitë dhe gjithçka që lidhet me administratën e drejtimit të shtetit të Kosovës.
Për arsye të pakuptueshme për mua, kjo nuk ndodhi.
Unë kam besim në vizionin e Përparim Ramës dhe i bëj thirrje që ai ta bëjë këtë.
Me ligjin në fuqi të Prishtinës,me kreativitet, guxim dhe dëshirë, ju mund ta bëni këtë! Ndërtoni qytetin e ri administrativ, hiqni administratën nga qyteti dhe çlirojeni nga mbytja e mëtejshme (do të ulni trafikun në Prishtinë me më shumë se 60%)!
Tashmë Prishtinën e shpëtojnë vetëm projektet e mëdha!/InLajmi/
