Deputetja e Kuvendit të Kosovës, Ganimete Musliu,gjatë seancës së Kuvendit ka bërë një koment jo fort të zakonshëm, gjatë kohës që po i bënte një pyetje Ministrit të Infrastrukturës, Liburn Aliut, në lidhje më një prishje të rrugës në fshatin Mazgit të magjistrales Prishtinë – Mitrovicë, raporton InLajmi.
Ajo pasi u pyet nga kryeparlamentari Konjufca se a ka ndonjë pyetje shtesë u përgjigj në një mënyrë të pazakontë
“Po e bëj një pyetje shtesë , ishalla nuk më shtini me naj grup kriminal se po lypi pak hollësi”, Musliu u shpreh kështu.
Komenti i saj në këtë mënyrë mund të thuhet së erdhi pas përplasjes para 2 ditësh me Ministrin e Bujqësisë, Faton Pecin, i cili e akuzoi deputeten për përfshirje në grup kriminal, për çka edhe ajo gjuajti ministrin me ujë. /InLajmi/
