6 persona humbën jetën në 24 orët e fundit për shkak të infektimit nga koronavirusi në vendin tonë. Ata ishin nga Elbasani, Durrësi, Gjirokastra, Ballshi dhe Vlora të moshave nga 66 në 88 vjeç.
Shkon kështu në 3187 numri i jetëve të humbura që prej nisjes së pandemisë në vendin tonë. Një renie të lehtë në krahasim me një ditë më parë kanë pësuar infektimet e reja.
Nga 4011 testime të kryera kanë rezultuar pozitive 286 raste. Gati gjysma e tyre janë gjetur në Tiranë që ndiqet nga qytetet e mëdha si Durrësi, Fieri, Vlora dhe Elbasani.
Janë 5,201 pacientë aktivë me Covid-19 në të gjithë vendin. Të larta mbetën shifrat e pacientëve në spitale ku po marrin trajtim 118 persona nga të cilët 20 janë në gjendje më të rënduar, përcjell Klan Tv.
Në 24 orët e fundit u konsideruan të shëruar 349 qytetarë duke e çuar numrin e tyre në mbi 198 mijë që nga fillimi i epidemisë.
