Deputeti i Kuvendit të Kosovës, Bekim Haxhiu, gjatë seancës që është duke u mbajtur në Kuvendin e Kosovës, ai është shprehur i shqetësuar në lidhje me ngjashmërinë e simptomave të gripit sezonal me ato të variantit Omicron, derisa ka paralajmëruar rritje të rasteve me këtë virus, raporton InLajmi.
Haxhiu ka thënë se qytetarët e vendit janë në dilemë në lidhje se a janë të prekur nga gripi sezonal apo ata janë të infektuar me variantin Omicron. Tutje ai ka përmendur simptomat e gripit që sipas tij janë të ngjashme me ato të variantit të ri.
“Sipas IKSHKP-së vetëm nga 6 dhjetori deri me 12 dhjetor janë shënuar mbi 6 mijë raste të gripit sezonal. Numri i rasteve me grip sezonal kalon 20 mijë raste. Simptomat e gripit sezonal dhe të variantit Omicron janë me simptomatologji të njëjtë. Pra, lodhje, dhimbje koke, dhimbje fyti, gërvishtje fyti. Dilemat e shumë qytetarëve sot që përballen me këto simptoma janë se a janë të prekur me grip sezonal apo të infektuar me variantin Omicron”,ka thënë Haxhiu.
Deputeti është shprehur se situata me gripin sezonal në spitale është alarmante edhe pse sipas tij situata më pandeminë Covid-19 në muajt e fundit në vend ka qenë me tendencë të rritjes por që ka rezultuar e qetë.
“Situata me pandeminë Covid-19 në muajin e fundit në vendin tonë ka qenë me tendencë të rritjes por ishte e qetë. Mirëpo, rreziku për përkeqësim të situatës i paralajmëruar nga ekspertët shëndetësor rezulton të jetë prezent në ditët në vijim dhe kjo po shihet nga shtimi i numrit të rasteve”, tha ai. /InLajmi/
